You are here

Қазақстан Республикасы Бас Прокурорының Малайзия Бас прокурорымен кездесуі туралы баспасөз ақпараты

Версия для печатиВерсия для печатиPDFPDF

Бүгін Қазақстан Республикасының Бас Прокуроры Жақып Асанов  Малайзияның Бас прокуроры Мохамед Апанди бин Алимен кездесу өткізді.

Ж. Асанов малайзиялық әріптесін қазақ жерінде қарсы ала отырып, құқықтық саладағы екіжақты қатынастардың достық және сындарлы сипатын атап өтті.

Сұхбаттасу барысында Қазақстан Бас Прокуроры прокуратура органдары қызметінің негізгі бағыттары, сондай-ақ шарттық-құқықтық негізді кеңейту және нығайту үшін атқарылып жатқан жұмыстар туралы мәлімет берді.

Сұхбаттасушылар өзара қызығушылық тудыратын кең ауқымды  мәселелерді талқылап, халықаралық күн тәртібіндегі аса өзекті мәселелер бойынша пікір алмасты.

Екі ел мекемелерінің басшылары екіжақты құқықтық ынтымақтастықтың едәуір әлеуетін атап өтіп, лаңкестікке қарсы тұру, ұлттық және халықаралық қауіпсіздікті қамтамасыз ету шеңберінде күш біріктірудің ерекше өзектілігін атап айтты.

Кездесу барысында ұстап беру туралы және қылмыстық істер бойынша өзара құқықтық көмек туралы мемлекетаралық шарттарды жасасу мәселелері талқыланды.

Келіссөздер нәтижелері бойынша тараптар Қазақстан Республикасының Бас прокуратурасы мен Малайзияның Бас прокуратурасы арасындағы Өзара түсіністік туралы меморандумға қол қойды. Аталмыш құжатқа қол қою өзара ықпалдастықтың дамуына, құқықтық саладағы ақпарат және озық тәжірибемен алмасуға жаңа серпін  береді.

Сұхбаттасушылар Қазақстан мен Малайзияның құзіретті органдары арасында қылмысқа қарсы тұру, заңдылық пен құқықтық тәртіпті қамтамасыз ету мәселелерінде ықпалдастықтың қалыптасқан деңгейін ризашылықпен атап өтті, сондай-ақ шарттық-құқықтық негізді кеңейтуге дайын екендіктерін растады.

Қазақстан Республикасы

Бас прокуратурасының баспасөз қызметі

Пікірлер

Жаңа пікірді жазу

Шрифт өлшемі
Қалыпты нұсқа
Үлкен өлшем
Үп-үлкен өлшем
Сайт түстері
Ақтың бойымен қара
Қараның бойымен ақпен
Көгілдірдің бойымен қара көкпен
Суреттер
Суреттерді өшіру/қосу
Теңшелімдер
Теңшелімдер
Normal version
Normal version
Мәтіндегі қателік:
Қате туралы хабарлағыңыз келсе "Хабарламаны жіберу" батырмасын басыңыз.