Баспасөз ақпараты (Астана қ., 16 маусым 2014 ж.)

16 маусым 2014 Версия для печатиВерсия для печатиPDFPDF

Бүгін Қазақстан Республикасының Бас Прокуроры Асхат Дауылбаевтың АҚШ Президентінің арнайы көмекшісі, АҚШ Ұлттық қауіпсіздік кеңесінің Ресей мен Еуразия бойынша аға директоры Селеста Уолландермен кездесуі өтті.

Кездесу барысында екіжақты құқықтық ынтымақтастық, соның ішінде қылмыстық құқық саласындағы шарттық база мен құқықтық көмекті ұлғайту және нығайту жөніндегі біршама мәселелер талқыға салынды.

Тараптар аймақтық қауіпсіздікті қамтамасыз ету, терроризм мен экстремизм, трансұлттық ұйымдасқан қылмыс, наркоқылмыстар, киберқылмыстарға және қару-жарақ саудасы аясындағы ықпалдастықтың ары қарайғы бағыттары туралы пікір алмасты.

А.Дауылбаев екі ел арасындағы құқықтық ынтымақтастық жағымды түрде жүзеге асырылып келе жатқанын атап өтті. Қазақстанның Бас прокуратурасы американдық құзыретті органдармен өзаралық қағидаты негізінде қылмыспен күрес саласында, қылмыстық істер бойынша құқықтық көмек көрсету мен қылмыскерлерді ұстап беруде белсенді жұмыс атқаруда.

 Әңгімелесушілер халықаралық және аймақтық қауіпсіздікті қамтамасыз ету бойынша заманауи геосаяси мақсаттар аясында қазіргі заман проблемаларына төтеп беруде күш-жігерді жұмылдырудың маңыздылығы арта түскенін баса айтып, ары қарай өзара тиімді ынтымақтастықты дамытуға дайын екендіктерін атап өтті.

Қазақстан Республикасы Бас прокуратурасының баспасөз қызметі

Пікірлер

Жаңа пікірді жазу