Бас Прокурордың азаматтарды қабылдағандығы туралы ақпарат

01 шілде 2015 Версия для печатиВерсия для печатиPDFPDF

Бүгін Бас Прокурор Асхат Дауылбаев кезекті рет азаматтарды қабылдап, азаматтық және қылмыстық істерге қатысты сот актілерінің, сондай-ақ қылмыстық процестің сотқа дейінгі кезеңінің заңдылығы мәселелерін қарады.  

Арызданушылардың уәждерін тыңдаған Бас Прокурор тиісті департаменттердің басшыларына нақты тапсырмалар берді және олардан істерді алдырып қарауды, арызданушыларды қатыстыра отырып толық және жан-жақты тексеру жүргізуді талап етті.

Өткен жолы азаматтарды қабылдау кезінде түскен С.Жүзжанованың арызын қарау нәтижелері бойынша Ақмола облысы прокуратурасының қылмыстық істі қосымша тергеуге қайтару және кінәлі адамдардың айыбын қайта саралау туралы қаулысының күші жойылды. Арызданушының ұлы О.Косыбаевтың денсаулығына қасақана ауыр зиян келтірген А.Шайхыны, А.Әділбековты және М.Жахинды айыптауға қатысты қылмыстық іс Көкшетау қалалық сотына мәні бойынша қарауға жолданды.

Бас прокуратураның баспасөз қызметі

Пікірлер

Жаңа пікірді жазу