Атыс қаруынан ведомстволық чемпионат туралы баспасөз ақпараты

24 қараша 2014 Версия для печатиВерсия для печатиPDFPDF

Прокуратура күні мерекесіне орай прокуратура тарихында тұңғыш рет прокуратура органдарының қызметкерлері арасындағы қарудан оқ атудан Бас прокуратураның ведомстволық чемпионаты болып өтті.

Жарысқа Бас прокуратураның құрылымдық бөлімшелері, облыстық және оларға теңестірілген прокуратуралар, Құқықтық статистика және арнайы есепке алу жөніндегі комитет пен Бас прокуратура Институтының өкілдерінен құралған 21 команда қатысты.

Жарыстың қорытындысы бойынша Бас Прокурор Аппаратының командасы жеңімпаз деп танылды (150 ұпай), 2-орынды Бас прокуратураның 3-Департаменті (96 ұпай), 3-орынды Институттың командасы иеленді (90 ұпай).

Ерлер арасындағы жеке сайыста Э.Күлкеев (Бас Прокурордың Аппараты) жоғары нәтижені көрсетті, 2-орынды А.Хакимов (Бас Прокурордың Аппараты), 3-орынды Т.Тәшімбаев (3-Департамент) жеңіп алды.

Әйелдер арасында 1-орынды А. Мешелева (Құқықтық статистика және арнайы есепке алу жөніндегі комитет),  2-орынды Ж.Жаубасова (Бас әскери прокуратура), ал 3-орынды Ш.Көшенова (Астана қаласының прокуратурасы) иеленді.

Бас прокуратураның баспасөз қызметі

Пікірлер

Жаңа пікірді жазу